დღეს, 12 ოქტომბერს, ბათუმში, თამარის დასახლებაში მდებარე „თაუერ ჯგუფის“ მშენებარე ცათამბჯენში ხანძარი გაჩნდა.
შენობა „ბათუმი ცენტრალის“ გვერდით მდებარეობს. შენობა „ქართული ოცნების“ პარლამენტის წევრის, გიორგი ჭყონიას კომპანიას ეკუთვნის.
ადგილზე მობილიზებულია პოლიცია და სახანძრო-სამაშველო ჯგუფები. პირველადი ინფორმაციით, შემთხვევის შედეგად არავინ დაშავებულა.
ჯერჯერობით უცნობია, რამ გამოიწვია ცათამბჯენში ხანძარი.
„ბათუმელები“ ადგილზე იმყოფება, შეგიძლიათ თვალი ადევნოთ მოვლენების განვითარებას „ბათუმელების“ პირდაპირ ჩართვაში.
