მთავარი,სიახლეები

მაცივრები დაიჟანგა – ყველისა და ხორცის სექციები ბათუმის ბაზარში ცვლილებებიდან 2 წლის შემდეგ

25.09.2018 • 2636
მაცივრები დაიჟანგა – ყველისა და ხორცის სექციები ბათუმის ბაზარში ცვლილებებიდან 2 წლის შემდეგ

ბათუმის ბაზარში ყველი რომ მხოლოდ მაცივრებიდან უნდა გაყიდულიყო, ორი წლის წინ გადაწყდა. როგორც 2016 წელს სავაჭრო ცენტრის ადმინისტრაცია “ბათუმელებთან” ამბობდა, ამ სექციაში ცვლილებების მიზანი სექციის ევროსტანდარტების დონეზე მოწყობა იყო. როგორც ბათუმის ბაზარში მოვაჭრეები  ამბობენ, მაცივრებმა არ გაამართლა.

ბათუმის აგრარულ ბაზარში 2016 წელს ცვლილებები ყველისა და ხორცის სექციებს შეეხო, რომელთა რეკონსტრუქციის პროექტი შვეიცარიის განვითარებისა და თანამშრომლობის სააგენტოს (SDC) მიერ დაფინანსებული „მცირე კავკასიის ალიანსების პროგრამის“ ფასილიტაციით მიმდინარეობდა. ყველის სექცია აღიჭურა 40 ახალი დახლ-მაცივრით, ხელსაბანი ონკანებითა და უჟანგავი ინვენტარით. რძის პროდუქტების სექციისთვის მოეწყო 4 სასაწყობო ოთახი, ლაბორატორია, გასახდელი ოთახები, სველი წერტილები, სასადილო, სამრეცხაო და სასტერილიზაციო.

როგორც მოვაჭრეები ამბობენ, ქართული ყველის შემადგენლობიდან გამომდინარე, მაცივრები მალევე დაიჟანგა და ზოგიერთი გაფუჭდა კიდეც. მათივე თქმით, ყველის სექციაში სპეციფიკური სუნიც ამის გამო იგრძნობა.

აქ ზოგიერთი მაცივარი ხის ფეხებზე დგას ან სულაც გამორთულია. როგორც ერთ-ერთმა მოვაჭრემ გვითხრა, იყო შემთხვევა, როცა ადამიანს დენმა დაარტყა, თუმცა ახალგაზრდა მამაკაცი დროულად მოაშორეს მაცივარს და არავინ დაშავებულა.

ხორცის სექცია ბათუმის აგრარულ ბაზარში:

ძეხვეული

 

ამავე თემაზე:

რძის პროდუქტები ქართულ ბაზარზე და ევროსტანდარტები

გადაბეჭდვის წესი


ასევე: