სოციალურ ქსელებში კაშიას წინააღმდეგ ახალი ტალღა მას შემდეგ აგორდა, რაც ცნობილი გახდა, რომ საქართველოს ნაკრების ვიცეკაპიტანი უეფას თანასწორობის ჯილდოს მფლობელი გახდა.
„დინამო“ ბათუმი ბათუმის მერიის კლუბია.
„დინამო“ ბათუმი მხარდაჭერას უცხადებს გურამ კაშიას და გმობს ძალადობის ნებისმიერ გამოვლინებას. ყველას უნდა ჰქონდეს შესაძლებლობა ფეხბურთით დატკბეს, არ აქვს მნიშვნელობა ვინ ხარ, საიდან ხარ და როგორ თამაშობ, ეს თანასწორი თამაშია”. წარმატებები გურამს საქართველოს ეროვნულ საფეხბურთო ნაკრებთან ერთად #გურამშენთანვართ #EQUALGAME #37GK #არაძალადობას“, – ეს განცხადება „დინამო ბათუმმა“ დღეს სოციალურ ქსელ ფეისბუქში საკუთარ გვერდზე გაავრცელა.
#გურამშენთანვართ – ამ ჰეშთეგით სოციალურ ქსელებში გურამ კაშიას მხარდამჭერი კამპანია დაიწყო მას შემდეგ, რაც საქართველოს ეროვნული ნაკრების ლიდერმა ფეისბუკის ოფიციალური გვერდი შეურაცხმყოფელი შეტყობინებების/კომენტარების გამო ფეისბუკის გვერდი გააუქმა, ხოლო ინსტაგრამის საჯარო ანგარიში მხოლოდ გამომწერებისთვის გახადა ხელმისაწვდომი.
