მთავარი,რეკლამა,სიახლეები

ბათუმის საკრებულოს სხდომის გადაწყვეტილებები [31.08.2018]

31.08.2018 • 2797
ბათუმის საკრებულოს სხდომის გადაწყვეტილებები [31.08.2018]

ბათუმის მუნიციპალიტეტის წარმომადგენლობით ორგანოში დღეს გამართულ მორიგ სხდომაზე საკრებულოს წევრებმა დღის წესრიგით გათვალისწინებული ხუთი საკითხი განიხილეს.

სხდომაზე მიღებული გადაწყვეტილებით დამტკიცდა ბათუმის მუნიციპალიტეტის ადმინისტრაციულ საზღვრებში ადგილობრივი საქალაქო რეგულარული სამგზავრო გადაყვანის (M2 და M3 კატეგორიის ავტოსატრანსპორტო საშუალებებით) ნებართვის მაძიებელთა კონკურსში მონაწილეობის, მასში გამარჯვებულის გამოვლენის, ნებართვის მოქმედების ვადის, სანებართვო პირობების, ნებართვის გაცემისა და ფასის გადახდის წესი, ასევე, სანებართვო მოწმობის, უწყებრივი სანებართვო რეესტრის (ჟურნალის) და კონკურსის წესით გამოვლენილ გამარჯვებულთან გასაფორმებელი ხელშეკრულების ფორმებისა და სანებართვო მოწმობის შევსებისა და აღრიცხვა-ანგარიშგების წესი.

საკრებულოს სხდომა

საკრებულოს სხდომა

მერიის მუნიციპალური პოლიტიკის სამსახურის საქალაქო ტრანსპორტისა და სატრანსპორტო ინფრასტრუქტურის პოლიტიკის განყოფილების უფროსის ემზარ ქავჟარაძის ინფორმაციით, კონკურსის შედეგების საფუძველზე, სამარშრუტო ხაზების მიხედვით გამარჯვებულად გამოცხადდა შემდეგი ნებართვის მაძიებლები:

[checklist]

  • შპს „ჯორჯიანტრანსი“ – ს/კ 445409932, სამარშრუტო ხაზი N24, სამარშრუტო ხაზი N25, სამარშრუტო ხაზი N44, სამარშრუტო ხაზი N45, სამარშრუტო ხაზი N46;
  • შპს „ავტო ტრანსი“ – ს/კ 445538133, სამარშრუტო ხაზი N32, სამარშრუტო ხაზი N52;
  • შპს „მწვანე შუქი“ – ს/კ 245525383, სამარშრუტო ხაზი N28, სამარშრუტო ხაზი N29;
  • შპს „ავტომობილისტი 42“ – ს/კ 445497677, სამარშრუტო ხაზი N42, სამარშრუტო ხაზი N47;
  • სპს „ირაკლი ჩავლეიშვილი“ – ს/კ 248383912, სამარშრუტო ხაზი N30;
  • შპს „აჭარტრანსრეგულირება“ – ს/კ 248431889, სამარშრუტო ხაზი N20, სამარშრუტო ხაზი N21, სამარშრუტო ხაზი N31, სამარშრუტო ხაზი N33, სამარშრუტო ხაზი N34, სამარშრუტო ხაზი N36, სამარშრუტო ხაზი N39, სამარშრუტო ხაზი N40, სამარშრუტო ხაზი N49, სამარშრუტო ხაზი N56;

[/checklist]

რეგულარული სამგზავრო გადაყვანის ნებართვის მაძიებელთა კონკურსში გამარჯვებულებმა სანებართვო მოწმობების მიღების და მომსახურების ხელშეკრულების გაფორმების შემდეგ არა უგვიანეს 30 დღის ვადაში უნდა უზრუნველყონ სამარშრუტო ხაზებზე მოძრავი მიკროავტობუსების GPS მონიტორინგის სისტემით და მგზავრობის ტარიფის გადახდის ელექტრონული აღმრიცხველი საშუალებებით აღჭურვა.

საკრებულოს წევრებმა მხარი დაუჭირეს ქ.ბათუმის მუნიციპალიტეტის საკუთრებაში არსებული საპრივატიზებო ობიექტების ნუსხის და პრივატიზაციის გეგმის დამტკიცების შესახებ განკარგულებაში ცვლილების შეტანას, რომელიც ითვალისწინებს მუნიციპალიტეტის საკუთრებაში არსებული, ქ. ბათუმში მანქანათმშენებელი ქარხნის ტერიტორიაზე, ჟ.შარტავას ქუჩაზე მდებარე 4 337.00 კვ.მ არასასოფლო სამეურნეო დანიშნულების მიწის ნაკვეთის პრივატიზებას პირობიანი ელექტრონული აუქციონის გამოცხადების გზით.

დღევანდელ სხდომაზე საკრებულომ, საქართველოს ორგანულ კანონთან „ადგილობრივი თვითმმართველობის კოდექსთან“ შესაბამისობაში მოყვანის მიზნით, ასევე დაამტკიცა ქ. ბათუმის მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების დამატებითი წესი და პროცედურები.

გადაბეჭდვის წესი


ასევე: