რუსეთი აცხადებს, რომ 21 ივნისს, ღამით, უკრაინულმა დრონებმა კრასნოდარის მხარეზე მიიტანეს იერიში. მედიის ცნობით, თავდასხმის შემდეგ ხანძარი გაჩნდა ქალაქ იესკის აეროდრომზე და ილსკის ნავთობგადამამუშავებელი ქარხნის ტერიტორიაზე.
მოსახლეობის ცნობით, აფეთქებები მოხდა რეგიონის რიგ დასახლებებში, კერძოდ, იეისკში, ვოლგოგრადში, კრასნოდარში და, ასევე, ოლქის ორ სოფელში.
კრასნოდარის გუბერნატორმა განაცხადა, რომ ერთი ადამიანი დაიღუპა დრონების ნამსხვრევების ჩამოვარდნის შედეგად.
ამავე დროს, მედიის ინფორმაციით, უკრაინული დრონები თავს დაესხნენ სევასტოპოლსაც. ინფორმაცია ნგრევის შესახებ ამ დროისთვის არ ვრცელდება.
რუსული მედიის ცნობით, უკრაინული დრონები რუსულმა საჰაერო სისტემამ ჩამოაგდო ბელგოროდში და ვოლგოგრადის ოლქში.
ასევე, გუშინ, 20 ივნისს, უკრაინის უსაფრთხოების სამსახურის დრონები რუსეთში ნავთობის ორ საცავს დაესხნენ თავს – ტამბოვის რეგიონში და ადიღეის რესპუბლიკაში.
_____________
ფოტო: „უკრაინსკა პრავდა“
