ქალაქ ბათუმის მერია და მერიის შპს „ბათუმის ავტოტრანსპორტი“ ამ დრომდე არ აკონკრეტებენ, თუ რომელ მუნიციპალურ ხაზებზე გადაანაწილებენ ახალ ავტობუსებს.
„ამის შესახებ ინფორმაციას პრეზენტაციაზე გავაჟღერებთ,“ – განაცხადეს ქალაქის მერიაში. „ბათუმის ავტოტრანსპორტში“ კი გვითხრეს, რომ დეტალები მერიასთან შეთანხმებული არ არის და ის ჯერ კიდევ ზუსტდება.
ბათუმის მერიამ ახალი მუნიციპალური ავტობუსების პრეზენტაცია 29 აგვისტოს 14:00 საათისთვის დააანონსა. ღონისძიება, რომელსაც, მერიის ინფორმაციით, მთავრობისა და მუნიციპალიტეტის წარმომადგენლები დაესწრებიან, ბათუმში, იუსტიციის სახლის მიმდებარე ტერიტორიაზე გაიმართება.
„ბათუმის ავტოტრანსპორტში“ აცხადებენ, რომ ახალი მუნიციპალური ტრანსპორტი პირველი სექტემბრიდან იმოძრავებს.
„ბათუმელების“ ინფორმაციით, ქალაქში შესაძლოა ახალი სამარშრუტო ხაზი დაამატონ, რომელიც ჭაობის დასახლებას ქალაქის ცენტრალურ უბნებთან [გორგილაძის და სხვა ქუჩებთან] დააკავშირებს. ახალი მუნიციპალური ავტობუსები, სავარაუდოდ, ამ ახალ ხაზზეც იმოძრავებენ. ასევე, ახალი ავტობუსები სავარაუდოდ იმოძრავებენ აეროპორტის [N10 ხაზი] მიმართულებით, ასევე იმ ხაზებზე, რომლებიც ჭაობის დასახლებასა და რუსთაველის ქუჩაზე გადის.
„ისუზუ ატამანის“ მოდელის ცისფერი ავტობუსები უკვე ბათუმშია. 15 ახალი ავტობუსი ბათუმის პორტიდან ქალაქში 22 აგვისტოს შემოვიდა.
ახალი მუნიციპალური ავტობუსები ბათუმში სექტემბრიდან იმოძრავებენ / ფოტო: ბათუმის მერია
ახალი მუნიციპალური ავტობუსები ბათუმში სექტემბრიდან იმოძრავებენ / ფოტო: ბათუმის მერია
ახალი მუნიციპალური ავტობუსები ბათუმში სექტემბრიდან იმოძრავებენ / ფოტო: ბათუმის მერია
ახალი მუნიციპალური ავტობუსები ბათუმში სექტემბრიდან იმოძრავებენ / ფოტო: ბათუმის მერია
ამავე თემაზე:
