წვიმის შედეგად ბათუმში რამდენიმე ქუჩა დაიტბორა. ბათუმის მერიის შპს “ბათუმის წყლის” ინფორმაციით, უკვე გაწმენდილია სანიაღვრე არხები ინასარიძის ქუჩაზე, “იალჩინის” მიმდებარე ტერიტორიაზე.
დატბორილი იყო გორგილაძისა და გრიბოედოვის ქუჩების კვეთაც. “ბათუმის წყლის” ინფორმაციით, ამ დრომდე იქ მუშაობენ.
“ბათუმის წყლის” პრესცენტრში ასევე გვითხრეს, რომ რომელიმე სხვა ქუჩის ან სახლის დატბორვის შესახებ მათთან ინფორმაცია ამ დრომდე არ შესულა.
