ლუდის ფესტივალი ბათუმში 7 ივლისს, ბათუმის საზაფხულო თეატრთან, 12 საათზე დაიწყება. ცივი, გემრიელი ლუდის გარდა აქ მთელი დღის განმავლობაში საინტერესო გასართობი პროგრამა, სასიამოვნო მუსიკა და სახალისო აქტივობები გელით.
დღის განმავლობაში სტუმრების განწყობაზე იზრუნებენ ადგილობრივი ბენდები:
- Soundlab
- პაატა ძიძიგური (მელომანიაკი)
- Free Space Band
- Road Radio (ბსუ)
- Pacific (ბსუ)
- ნერვოზი (ბსუ)
- დიჯეები: ლაშა გურული, Chicki და რეზი
ორგანიზატორები აღნიშნავენ, რომ ფესტივალის პროგრამა ყველა ასაკის ადამიანზეა გათვლილი, სადაც მეგობრებთან და ოჯახის წევრებთან ერთად სასიამოვნო გარემოში დასვენება იქნება შესაძლებელი. ბავშვებისთვის მოწყობილ სპეციალურ კუთხეში პატარების გართობაზე ანიმატორები იზრუნებენ. სამაგიდო თამაშების კლუბი „Tsibakha Game Club“ კი საინტერესო თამაშებს ზრდასრულებს შესთავაზებს.
ფესტივალზე ასევე, იქნება სპეციალური საფეხბურთო სივრცე, სადაც სტუმრებს მსოფლიო ჩემპიონატის მეოთხედფინალის ნახვა შეეძლებათ.
ფესტივალზე მხოლოდ ქართული ნაწარმი იქნება წარმოდგენილი.
ლუდის ფესტივალის მთავარი მიზანი ქველმოქმედებაა. ფესტივალიდან შემოსული თანხა მთლიანად მოხმარდება 24 წლის ბათუმელი გვანცა დიასამიძის გამოჯანმრთელებას, რომელიც ორი წელია მძიმე დაავადებას ებრძვის.
ბათუმის ლუდის ფესტივალი გვანცა დიასამიძის მეგობრების ორგანიზებით იმართება. მისი მთავარი სპონსორები არიან ლუდი „აისი“, „არაგველი“, „შავი ლომი“, ხორცპროდუქტების კომპანია „ვაკე“ და მარკეტინგული კომპანია „შინდი“.
[yellow_box]გაიგე უფრო მეტი ბათუმის ლუდის ფესტივალზე[/yellow_box]
