უკრაინული მედიის ცნობით, ქალაქ ხარკოვში, ბოლო ცნობებით, 97 ადამიანი დაშავდა რუსეთის დაბომბვის შედეგად. მათგან 20-ზე მეტი არასრულწლოვანია.
გაიზარდა დაღუპულთა რიცხვიც. 12-სართულიანი შენობის ნანგრევებიდან მაშველებმა ქალის ცხედარი გამოიტანეს, ეს მეშვიდე ადამიანია, რომელიც რუსეთის დაბომბვის შედეგად დაიღუპა გუშინ, 30 აგვისტოს ქალაქ ხარკოვში.
დაღუპულთა შორისაა 14 წლის მოზარდი.
რუსეთის შეიარაღებულმა ძალებმა ხარკოვი 30 აგვისტოს, შუადღისას დაბომბეს.
უკრაინული მედიის ცნობით, გამოყენებული იყო მოდიფიცირებული მართვადი ავიაბომბები, მათგან ერთი მრავალსართულიან სახლს მოხვდა.
____________
ფოტო: ევროპის პრესფოტო სააგენტო. EPA-EFE/სერგეი კოზლოვი
