მთავარი,სიახლეები

ამინდის პროგნოზი და ტალახიანი წვიმის მიზეზი ბათუმში

23.03.2018 • 7792
ამინდის პროგნოზი და ტალახიანი წვიმის მიზეზი ბათუმში

დღეს, 23 მარტს, ბათუმში ცა უჩვეულო, მოყვითალო ფერის იყო, ხოლო ავტომანქანებს ტალახიანი წვიმის ნაკვალევი ეტყობა. გარემოს ეროვნული სააგენტოს აჭარის რეგიონალურ ჰიდრომეტეოროლოგიურ ობსერვატორიაში ამბობენ, რომ მსგავსი შემთხვევები პერიოდულად ხდება და მისი მიზეზი თბილი, ქარიანი ამინდია, რომელიც წინა დღეებში იყო ბათუმში:

არჩილ კახაძის ფოტო

„ქარმა მტვერი აიტანა სიმაღლეზე და წვიმისას წამოვიდა ტალახი. ეს არ არის პირველი შემთხვევა, პერიოდულად მსგავსი წვიმა არის ბათუმში“.

რაც შეეხება ამინდს, ხვალ, 24 მარტს, სინოპტიკოსების ცნობით, ბათუმში მოსალოდნელია ცვალებადი მოღრუბლულობა, დღისით იწვიმებს, იქროლებს ცვალებადი მიმართულების ქარი, 10-15 მეტრი წამში.

ჰაერის ტემპერატურა იქნება:

  • დღისით 16-21 გრადუსი
  • ღამით 8-13 გრადუსი

ჰაერის ტემპერატურა მთაში

  • დღისით 8-13 გრადუსი
  • ღამით 1-6 გრადუსი

გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის ინფორმაციით, მომდევნო ორ დღეს მოსალოდნელია დროგამოშვებით წვიმა.

ზღვის წყლის ტემპერატურა ამ დროისათვის 9 გრადუსია.

 

 

გადაბეჭდვის წესი


ასევე: