ბათუმი-ახალციხის ცენტრალური საავტომობილო მაგისტრალის ხულოს მონაკვეთზე, სოფელ დიოკნისთან, მეწყერი ორი კვირის წინ ჩამოწვა. მიწის მასამ მაშინ გზა ჩაკეტა და გოდერძის მიმართულებით ავტომობილები შემოვლითი გზით – სოფელ პაქსაძეებიდან, კორტოხიდან და ბეღლეთიდან გადაადგილდებოდა. მაგისტრალი დღეს გახსნილია, თუმცა გზის სავალი ნაწილი ამორტიზებულია, არც მეწყრული პროცესების განმეორებაა გამორიცხული.
„ბათუმელები“ შეეცადა გაერკვია, ხომ არ იგეგმება გზის აღნიშნულ მონაკვეთზე გამაგრების, ფერდდამცავი თუ მეწყერსაწინააღმდეგო ღონისძიებების ჩატარება, თუმცა ამ კითხვაზე პასუხის გასაცემად ხულოს მერიამ საავტომობილო გზების დეპარტამენტში გადაგვამისამართა, დეპარტამენტის წარმომადგენელმა კი იმ კომპანიაში, რომელიც გზის მოვლა-შენახვაზეა პასუხისმგებელი. კომპანიას ვერ დავუკავშირდით.
ბათუმი-ახალციხის მაგისტრალი სახელმწიფოებრივი მნიშვნელობისაა.