ხულოს მუნიციპალიტეტის სოფელ პანტნარში საცხოვრებელი სახლი იწვის. საციხურის თემის რწმუნებულის, ბეჟან ბოლქვაძის ინფორმაციით, მიხეილ მუშარბაძის საცხოვრებელ სახლს ხანძარი დაახლოებით 15 წუთის წინ გაუჩნდა და ამ დროისთვის სახლის 80% განადგურებულია. მიხეილ მუშარბაძის ოჯახი შვიდსულიანია.
„სახლის გადარჩენის შანსი აღარ არის, თითქმის 80% დაიწვა, 3-4 სოფლის მოსახლეობა ჩართულია ხანძრის ჩაქრობაში, რომ ცეცხლი სხვა სახლებსა და დამხმარე ნაგებობებზე არ გადავიდეს. ხანძარი სახლს რამდენიმე წუთის წინ გაუჩნდა, სამაშველო სამსახურიდან მოვიდნენ, სახანძროს ველოდებით, ხანძრის შედეგად არავინ დაშავებულა,“ – უთხრა „ბათუმელებს“ ლევან ბოლქვაძემ.
