მთავარი,მთიანი აჭარა,სიახლეები

20 ნოემბერს ბათუმის ახალარჩეული საკრებულოს პირველი სხდომა გაიმართება

19.11.2017 • 2777
20 ნოემბერს ბათუმის ახალარჩეული საკრებულოს პირველი სხდომა გაიმართება

ქალაქ ბათუმის ახალარჩეული საკრებულოს პირველი სხდომა 20 ნოემბერს, 15 საათზე, გაიმართება.

საკრებულოს პირველი სხდომა საკრებულოს უფლებამოსილების ცნობამდე წარიმართება შემდეგი დღის წესრიგით:

[checklist]

  • საარჩევნო კომისიის თავმჯდომარის მოხსენება;
  • დროებითი სამანდატო კომისიის არჩევა;
  • საკრებულოს წევრთა უფლებამოსილების ცნობა.

[/checklist]

საკრებულოს მიერ გავრცელებული პრესრელიზის მიხედვით, საკრებულოს წევრთა უფლებამოსილების ცნობის შემდეგ საკრებულოს სხდომაზე საკითხები განიხილება შემდეგი თანმიმდევრობით:

[checklist]

  • საკრებულოს თავმჯდომარის არჩევა;
  • საკრებულოს თავმჯდომარის წარდგინებით საკრებულოს თავმჯდომარის მოადგილეების არჩევა;
  • საკრებულოს მუდმივმოქმედი კომისიების თავმჯდომარეების არჩევა.

[/checklist]


ბათუმის საოლქო კომისიის თავმჯდომარის მოადგილის, ვალერი ბერიძის ინფორმაციით, ორშაბათს, 20 ნოემბერს, პირველ სხდომას გამართავს აჭარის ექვსივე მუნიციპალიტეტის ახალარჩეული საკრებულო. პირველივე სხდომაზე საკრებულოები აირჩევენ თავმჯდომარეებს, მოადგილეებსა და კომისიების თავმჯდომარეებს.

ბათუმის საკრებულოს თავმჯდომარედ „ქართული ოცნების“ პროპორციული სიის პირველი ნომერი, სულიკო თებიძე განიხილება, ამის შესახებ „ბათუმელებს“ თავად დაუდასტურა.

ხელვაჩაურის საკრებულოს თავმჯდომარე გახდება ასევე მმართველი პარტიის პროპორციული სიის პირველი ნომერი, ხელვაჩაურის ყოფილი გამგებელი, ნადიმ ვარშანიძე.

ქედაში საკრებულოს თავმჯდომარედ, სავარაუდოდ, ისევ წინა მოწვევის საკრებულოს თავმჯდომარეს, ამირან ცინცაძეს აირჩევენ, ისიც პროპორციულ სიაში პირველ ნომრად იყო.

შუახევში სიის პირველინომერი წინა მოწვევის საკრებულოს იურისტი მირიან აბაშიძე იყო, ხულოში კი – თამაზ აბაშიძე, ხულოს გამგებლის ყოფილი მოადგილე.

როგორ შეიძლება გადანაწილდეს თანამდებობები ბათუმის საკრებულოში, იხილეთ ამ ბმულზე.

ამავე თემაზე:

ვინ არიან ბათუმის საკრებულოს ახალი წევრები

გადაბეჭდვის წესი


ასევე: