ოჩხამურის წყალსადენი სისტემის მოწესრიგების მიზნით, სათავე ნაგებობის კეთილმოწყობითი სამუშაოები მუშაობის პროცესშია. პროექტის ფარგლებში კაშხლის, წყალშემკრები ნაგებობისა და ნაპირსამაგრი სამუშაოები მიმდინარეობს.
ინფრასტრუქტურული ღონისძიებისთვის 224 450 ლარია გათვალისწინებული, სამუშაოებს ტენდერში გამარჯვებული კომპანია „მარიამი ო.ბ. 2006“ აწარმოებს.
დაბაში ახალი წყალსადენი სისტემის რეაბილიტაცია მრავალწლიანი ინფრასტრუქტურლი პროექტია, რომლის ფარგლებშიც მოეწყო რეზერვუარები, ცენტრალური მაგისტრალი, შიდა ქსელი და მოხდა აბონენტთა გამრიცხველიანობა, რომლისთვისაც ჯამში 3 მილიონ ლარზე მეტი დაიხარჯა.
პროექტის დასრულება ოქტომბრის თვეში იგეგმება.