Batumelebi | ქობულეთში თვალის კლინიკის გახსნა იგეგმება ქობულეთში თვალის კლინიკის გახსნა იგეგმება – Batumelebi
RU | GE  

ქობულეთში თვალის კლინიკის გახსნა იგეგმება

 

„ქობულეთის სამედიცნო ცენტრის“ დირექტორის არჩილ მანელიშვილის განმარტებით, უახლოეს მომავალში თვალის კლინიკის გახსნა იგეგმება. ეს განცხადება დირექტორმა სამედიცინო ცენტრში მუნიციპალიტეტის ხელმძღვანელთა სტუმრობის დროს გააკეთა.

 

მუნიციპალიტეტის გამგეობის ინფორმაციით ქობულეთის მუნიციპალიტეტის გამგებელი გიროგი რომანაძე და გამგებლის მოადგილე ირაკლი ცეცხლაძე „ქობულეთის სამედიცინო ცენტრის“ მედპერსონალს შეხვდნენ. შეხვედრაზე საავადმყოფოში არსებულ პრობლემებსა  და სამომავლო გეგმებზე ისაუბრეს. მუნიციპალიტეტის ხელმძღვანელობა შესაძლებლობების ფარგლებში მათ დახმარებასაც დაჰპირდა.

 

 

   სააქციო საზოგადოება „ქობულეთის სამედიცნო ცენტრი“ 11 თვეა  ფუნქციონირებს, სადაც დასაქმებულია 200-მდე თანამშრომელი. საავადმყოფოში განთავსებულია მიმღები, პოლიკნინიკური, სამეანო-გინეკოლოგიური, თერაპიულ-ქირურგიულ-ნეიროქირურგიული და რეანიმაციული განყოფილებები, რომლებიც  თანამდროვე სამედიცინო ტექნოლიგიებით არის აღჭურვილი. 

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"