ჯანდაცვის სამინისტროს პრეს-სამსახურის ინფორმაციით, ბავშვთა დაცვის საერთაშორისო დღესთან დაკავშირებით ჩატარდება უფასო სამედიცინო გამოკვლევები. საქველმოქმედო აქციებში მონაწილეობას სახელმწიფო და კერძო სამედიცინო დაწესებულებები მიიღებენ.
სამინისტროს მიერ გავრცელებულ პრესრელიზში მითითებულია იმ სამედიცინო ღონისძიებების ჩამონათვალი, რითაც ბავშვები ამ დღეებში ისარგებლებენ:
„31 მაისს, 11:00 საათიდან უფასო გამოკვლევები დაიწყება „ბათუმის რეფერალურ საავადმყოფოში“. აქციის ფარგლებში დაგეგმილია აჭარის ტერიტორიაზე არსებული ბავშვთა სახლის აღსაზრდელების უფასო გამოკვლევები.
31 მაისს, 10:00 საათიდან უფასო სამედიცინო მომსახურება განხორციელდება ბათუმის „დედათა და ბავშვთა საოჯახო მედიცინის რეგიონულ ცენტრში“.
1 ივნისს უფასო სამედიცინო გამოკვლევებს ჩაატარებენ: „ბათუმის #1 პოლიკლინიკა“, „ბათუმის #4 პოლიკლინიკა“, „თამარის დასახლების საოჯახო მედიცინის ცენტრი“, „მახინჯაურის მრავალპროფილური პოლიკლინიკა“ და „მედინა“.
უფასო გამოკვლევები ჩაუტარდებათ 0-დან 18 წლამდე ბავშვებსა და მოზარდებს.
საქველმოქმედო აქცია აჭარის ა/რ ჯანმრთელობისა და სოციალური დაცვის სამინისტროსა და სოციალური პედიატრიის დაცვის ფონდის ინიციატივით იმართება“.
