შს სამინისტროს ცნობით, ბათუმში ახალგაზრდა კაცის დაჭრის ბრალდებით ერთი პირი დააკავეს.
საქმე ეხება 5 იანვარს მომხდარ ფაქტს – ახალგაზრდა კაცს ცივი იარაღით ჭრილობები მიაყენეს. ამბავი 6 იანვარს გაშუქდა მედიაში.
დაჭრილის მამა ამბობს, რომ მისი შვილი მიტროპოლიტი დიმიტრის სიძემ დაჭრა. მისივე ინფორმაციით, კონფლიქტის მიზეზი პარკირების გამო შელაპარაკება გახდა.
დაჭრილი კაცი ამჟამად ბათუმის კლინიკაში იმყოფება, მის სიცოცხლეს საფრთხე არ ემუქრება.
შს სამინისტროს ცნობით, გამოძიება დაწყებულია სისხლის სამართლის კოდექსის 117-ე მუხლით – ჯანმრთელობის განზრახ მძიმე დაზიანება.
ამავე თემაზე:
ბათუმში დაჭრილი კაცის მამა ამბობს, რომ მისი შვილი მეუფე დიმიტრის სიძემ დაჭრა
