ბათუმის მერია კახაბრის დასახლებაში, სამრეწველო ზონაში, დაახლოებით 5 ჰექტარ ტერიტორიის საიჯარო წესით გასხვისებას გეგმავს. ნაკვეთი ოთხ საკადასტრო ერთეულადაა დაყოფილი [49 651 კვ. მეტრი]. სავარაუდოდ მერია ოთხივე ნაკვეთს ერთ ლოტად გაასხვისებს, რადგან საკრებულოსთვის გადაგზავნილ დოკუმენტებში ოთხივე ნაკვეთის წლიური სარგებლობის საფასური ერთობლივად არის განსაზღვრული და ჯამში 300 000 ლარია.
შესაძლოა, ეს ფასი აუქციონის პირობებში გაიზარდოს.
მონიშნულია გასასხვისებელი ფართობი
გასასხვისებელ ფართობთან ახლოს დიდ ტერიტორიას შპს „ალიანსი“ განკარგავს, ამიტომაც არ არის გამორიცხული, რომ გაფართოების ინტერესი სწორედ ამ კომპანიას ჰქონდეს.
ნაკვეთების აუქციონზე გატანასთან დაკავშირებით ბათუმის მერმა საკრებულოს თანხმობა 22 აგვისტოს სხდომაზე უნდა მიიღოს, განკარგულების პროექტი ამის თაობაზე საკრებულოს დღის წესრიგში ჩასვეს.
