არაქართულენოვანი სკოლების მოსწავლეებსა და მასწავლებლებს გამომცემლობები გრიფირებული სასკოლო სახელმძღვანელოების ელექტრონულ ვერსიებზე უფასო წვდომას სთავაზობენ.
მაგალითად, მე-5-დან მე-6 კლასის ჩათვლით ხელმისაწვდომი იქნება გამომცემლობა „კლიოს“ ხელოვნების სახელმძღვანელოს ელექტრონული ვერსია სომხურ, რუსულ და აზერბაიჯანულ ენებზე და ამავე გამომცემლობის „ჩვენი საქართველო“, იმავე კლასებისთვის.
გამომცემლობა სიდის „მე და საზოგადოება“ მე-3-მე-4 კლასებისთვის, გამომცემლობა „ინტელექტის“ მუსიკა მე-5 და მე-6 კლასებისთვის და მათემატიკა პირველი და მე-4 კლასებისთვის.
ბაკურ სულაკაურის გამომცემლობა არაქართულენოვან სკოლებს ასევე სთავაზობს მათემატიკის სახელმძღვანელოს ელექტრონულ ვერსიას მე-5 და მე-6 კლასებისთვის და ბუნებისმეტყველებას, პირველიდან მე-6 კლასის ჩათვლით.
ხოლო გამომცემლობა „პეგასი“ ფიზიკური აღზრდის სახელმძღვანელოს ელექტრონულ ვერსიას პირველი მე-4 კლასების ჩათვლით.
ელექტრონული სახელმძღვანელოების ბმულები მოსწავლეებსა და მასწავლებლებს შეუძლიათ მოიძიონ განათლების სამინისტროს ვებგვერდზე.
ელექტრონული სახელმძღვანელო მოიცავს მასწავლებლის წიგნს, მოსწავლის წიგნის პირველ და მეორე ნაწილს.
