ბათუმში COVID-19-ზე 7 პირის ანალიზის პასუხს ელოდებიან, ისინი ბათუმის ინფექციურ საავადმყოფოში არიან მოთავსებული. 2 პაციენტი ინფექციურში კარანტინიდან გადაიყვანეს, 5-მა კი, კლინიკას თვითდინებით მიმართა, მათ შორისაა, ხულოდან გუშინ გადმოყვანილი ქალიც, რომელსაც მაღალი ტემპერატურა ჰქონდა.
2 აპრილის დილის მდგომარეობით, ბათუმში კორონავირუსით დაინფიცირებულ 8 ადამიანს მკურნალობენ. ბათუმში გუშინ COVID-19 დაუდასტურდა 10 წლის ბავშვსაც, რომელიც თბილისში გადაიყვანეს.
2 აპრილს საქართველოში კორონავირუსით დაინფიცირების კიდევ 13 შემთხვევა დადასტურდა. ამ დროისთვის კორონავირუსის დადასტურებული შემთხვევაა – 130, მათ შორის გამოჯანმრთელებულია – 23, კარანტინის რეჟიმშია – 5 437, ხოლო სტაციონარში მეთვალყურეობის ქვეშ იმყოფება 260 ადამიანი.
