სუპერმარკეტი „ბონუსი“ ხალხის სამსახურში – ვინარჩუნებთ მაქსიმალურად დაბალ ფასებს

უკვე ერთი წელია, რაც სუპერმარკეტების ქსელი „ბონუსი“ სრული დატვირთვით მუშაობს და მომხმარებელს ახალ, ხარისხიან და მრავალფეროვან პროდუქციას საბითუმო ფასებში აწვდის.

ახალი კორონავირუსის პანდემიის პირობებში, საქართველოში არსებული მძიმე სოციალურ-ეკონომიკური ფონი, რასაც თან ერთვის ეროვნული ვალუტის გაუფასურება, გავლენას ახდენს ბაზარზე არსებულ ფასებზე, თუმცა მკაფიოდ უნდა ითქვას, რომ სუპერმარკეტების ქსელი „ბონუსი“კვლავაც რჩება პირვანდელი პოლიტიკის ერთგული და ინარჩუნებს მაქსიმალურად დაბალ  და ხელმისაწვდომ ფასებს.

სოციალურ მედიაში გავრცელდა ინფორმაცია თითქოს სუპერმარკეტების  ქსელ „ბონუსის“ ერთ-ერთი ფილიალი დაჯარიმდა, რაც არ შეესაბამება სიმართლეს.

„ბონუსი“ სრულად იცავს მსოფლიო ჯანდაცვის ორგანიზაციის რეკომენდაციას, ვირუსის პრევენციისათვის გათვალისწინებულ სამუშაოებს. სისტემატურად ტარდება სადეზინფექციო სამუშაოები. სადეზინფექციო საშუალებებით მუშავდება ყველა სახის ზედაპირი, პერსონალი აღჭურვილია საჭირო ეკიპირებით – პირბადეებით, ხელთათმანებითა და სადეზინფექციო ხსნარებით, რათა უზრუნველყოფილ იქნეს უსაფრთხო და შეუფერხებელი მომსახურება.

„ბონუსის“ ადმინისტრაციის ინიციატივით არაერთხელ ჩატარდა საქველმოქმედო ხასიათის აქცია. ჩაქვსა და ბათუმში არაერთ ოჯახს საჩუქრად გადაეცა სასურსათო პროდუქტები, რაც სისტემატურ ხასიათს მიიღებს, რადგანაც „ბონუსი“ ხალხის სამსახურშია.