მთავრობა „ორბი ჯგუფი ბათუმზე“ მიწას 15 ლარად აქირავებს, იმავე ადგილას სხვებზე - 287 ლარად - Batumelebi • აუქციონი, აჭარის ფინანსთა და ეკონომიკის სამინისტრო, ბიზნესი, ორბი ჯგუფი ბათუმი, • batumelebi.ge

აჭარის ფინანსთა და ეკონომიკის სამინისტრომ ბათუმის სასპორტო სკოლასთან 20 კვ/მ მიწის ნაკვეთის სარგებლობაზე ელექტრონული აუქციონი გამოაცხადა. ფიროსმანის ქუჩაზე ამ ნაკვეთის ერთი წლით სარგებლობისთვის საწყისი ფასი 5 740 ლარია, ანუ, 1 კვ/მ 287 ლარი. სარგებლობაში კი ნაკვეთი გადაეცემა იმას, ვინც მაქსიმალურ თანხას დააფიქსირებს.

აუქციონზე გატანილი ნაკვეთის მიმდებარედ, აჭარის ავტონომიური რესპუბლიკის საკუთრებაში არსებულ, ჯამში 7772 კვ/მ მიწის ნაკვეთს კომპანია „ორბი ჯგუფი ბათუმი“ სარგებლობს. ამ ტერიტორიას კომპანია, რომელიც იქვე სასტუმრო კომპლექსს აშენებს, სამეურნეო დანიშნულებით იყენებს [დასაწყობებულია სამშენებლო მასალები, დგას ბეტონმზიდი მანქანები].

აჭარის ფინანსთა და ეკონომიკის სამინისტროს ინფორმაციით, ტერიტორია „ორბი ჯგუფი ბათუმზე“ გადაცემულია სარგებლობაში 2 წლით და წლიური გადასახადია 119 400 ლარი. ანუ, „ორბი“ 1კვ/მეტრ მიწის ნაკვეთის ერთი წლით სარგებლობაში იხდის 15 ლარს და 36 თეთრს, როცა იქვე 1 კვ/მეტრის სარგებლობისთვის სამინისტროს მიერ აუქციონზე გატანილი ნაკვეთის სარგებლობის საფასური მინიმუმ 287 ლარია.

ტერიტორია სასპორტო სკოლის მიმდებარედ

ტერიტორია ბათუმის სასპორტო სკოლის მიმდებარედ / 29.05.2018

მთავრობა „ორბი ჯგუფი ბათუმზე“ მიწას 15 ლარად აქირავებს, იმავე ადგილას სხვებზე – 287 ლარად

ასევე:

ხელოვნური კუნძულისთვის მოპოვებულ ქვებს „ამბასადორი“ ბათუმში გადაამუშავებს – სკრინინგი

ეკა ჩავლეიშვილი კირა ნაითლისთან ერთად ითამაშებს ბრიტანელი რეჟისორის ფილმში

აშშ-ის მხარდაჭერით ფოთის პორტში ახალი ნავმისადგომი აშენდება

„ოზთურქის ბინებს“ სოცდაუცველებს გადასცემენ – ბათუმის მერია სპეციალურ საცხოვრებელ ზონას ქმნის

ბათუმში მეზღვაურთა საერთაშორისო დღე აღინიშნება, რისთვისაც ნახევარი მილიონი ლარი დაიხარჯება [ფოტო]

ხელვაჩაური ბათუმისგან ტერიტორიის დაბრუნებას ითხოვს – საკრებულოები საზღვრის შეცვლაზე მუშაობენ