ძველ ბათუმში ორსართულიან სახლს 30 კვადრატ ფართობზე აშენებენ [ფოტო]

ძველ ბათუმში, კოსტავას ქუჩაზე, #22-ში, 30 კვადრატულ მეტრ ფართობზე, ორსართულიან საცხოვრებელ სახლს აშენებენ. მშენებლობის ნებართვა 2017 წლის 26 სექტემბერსაა გაცემული ბათუმის მერიის მიერ. სახლის მშენებლობა 25 მაისამდე უნდა დასრულდეს.

ის, რომ ამ პატარა ფართობზე ნამდვილად საცხოვრებელ სახლს აშენებენ, მშენებლობაზე დასაქმებულებმაც დაგვიდასტურეს. კოსტავას 22-ში არსებული ფართობი შპს „საოჯახო სასტუმრო ძველი ბათუმის“ საკუთრებაა. როგორც ამ ჯგუფის წარმომადგენელმა განმარტა, მშენებლობა წესების სრული დაცვით მიმდინარეობს და ახალი ნაგებობა ძველი ბათუმის ურბანულ სივრცეში ჩაჯდება.

ადგილი, სადაც ორსართულიანი საცხოვრებელი სახლი შენდება