აჭარაში კულტურული მემკვიდრეობის 7 ძეგლს რესტავრაცია-რეაბილიტაცია ჩაუტარდება [ფოტო]

აჭარაში დაცული კულტურული მემკვიდრეობის უძრავი ძეგლების რეაბილიტაციისა და კონსერვაციის პროგრამის ფარგლებში, აჭარის ა/რ მთავრობისა და აჭარის განათლების, კულტურისა და სპორტის სამინისტროს მხარდაჭერით, კულტურული მემკვიდრეობის დაცვის სააგენტომ მიმდინარე წელს დაიწყო ბათუმისა და ქობულეთის ურბანული მემკვიდრეობის ძეგლების კერძოდ: ქ.ბათუმში დ.თავდადებულის ქ.N35, მაზნიაშვილის ქ.N6/მ.აბაშიძის N15, ზუბალაშვილის ქ.N38, კომახიძის ქ.N4, ჟორდანიას ქ.N14 , გორგასალის ქ.N24-ში მდებარე სახლების და ქ.ქობულეთში მდებარე ,,ეფენდიევის ვილის’’ რეაბილიტაციის საპროექტო დოკუმენტაციის შესყიდვა (ბიუჯეტი 229000 ლარი), რის შემდეგაც მოხდება უძრავი ძეგლების რესტავრაცია-რეაბილიტაცია.

კონკრეტული ობიექტების შერჩევას საფუძვლად დაედო 2015 წელს განხორციელებული ბათუმის კულტურული მემკვიდრეობის ძეგლების ინვენტარიზაციის შედეგები, რითაც სააგენტოს შესაძლებლობა მიეცა გაეთვალისწინებინა კონსტრუქტორების რეკომენდაციები და მოეხდინა იმ კონკრეტული ძეგლების შერჩევა, რომლებიც პირველ ეტაპზე საჭიროებდნენ სარეაბილიტაციო სამუშაოების ჩატარებას.

კომახიძის ქუჩა N4

ზუბალაშვილის ქუჩა N38

სააგენტოს 2017 წლის ამოცანაა რეგიონის მთავრობის, ადგილობრივი თვითმმართველობისა და მესაკუთრეთა თანამშრომლობის კოორდინირებით და შესაბამისი ფინანსური სახსრების მობილიზებით 2017-2020 წლებში ბათუმში განთავსებული კულტურული მემკვიდრეობის ძეგლების რეაბილიტაციის პროექტების იმდაგვარი დაგეგმვა, რომ 2020 წლისათვის ბათუმში მინიმუმამდე იყოს შემცირებული ფიზიკური გადარჩენის საფრთხის მატარებელი კულტურული მემკვიდრეობის ძეგლების რაოდენობა.