„დიფუზიის სივრცე“- გამოფენა ბათუმში

10 ივნისს ბათუმში, „თანამედროვე ხელოვნების გალერეაში“ გამოფენა  – „დიფუზიის სივრცე“ გაიხსნება.

გამოფენაზე წარმოდგენილი იქნება 13 ხელოვანის შემოქმედება, ბელორუსი ხალხის და მათი ქვეყნის შესახებ.  „გამოფენა ფოკუსირებულია რეალობის სწორად აღქმაზე – ,,რა გვეჩვენება და რა არის სინამდვილეში“,  რას წარმოადგენს ეს ,,დოკუმენტური მასალა“ და „რა კულტურულ იდენტობაზე, რომელ სოციალურ და მხატვრულ პროცესებზე მიანიშნებს ესა თუ ის გამონათქვამი” – არტისტების აზრით, ბელორუსიის კულტურაში ეს ნიშნები არც თუ ნათელი და ხშირად მოჩვენებითია.

რომელიც მიზნად ისახავს საქართველოში თანამედროვე ხელოვნების მხარდაჭერასა და განვითარებას, ხელს უწყობს თანამედროვე ქართული ხელოვნების, როგორც ადგილობრივ და რეგიონალურ, ასევე, საერთაშორისო ასპარეზზე წარმოჩენას,“- ნათქვამია პრესრელიზში.

მათივე ინფორმაციით, პროექტი ეძღვნება სიტუაციებს, როდესაც ხელოვანთა ნამუშევრები ცრუ ინტერპრეტაციას იძენენ და სხვა მნიშვნელობით აღიქმებიან. „ეს გამოფენა კი მოიცავს ღია გზავნილებს – ნამუშევრები თავად საუბრობენ საკუთარ თავზე. პროექტი დამთვალიერებელს შესაძლებლობას მისცემს, შეიცნოს თანამედროვე ხელოვნების ახალი ასპექტები, გაეცნოს სინამდვილის ასახვის, მასზე რეაგირების ცალკეულ შემთხვევებს თანამედროვე ბელორუსი ხელოვანების ნამუშევრების მაგალითზე“.

გამოფენა  8 ივლისის ჩათვლით გაგრძელდება.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com