მთავარი,სიახლეები

უმაღლესი საბჭოს დეკემბრის თვის ხელფასები, პრემიები და თანამდებობრივი სარგო

11.01.2017 • 28905
უმაღლესი საბჭოს დეკემბრის თვის ხელფასები, პრემიები და თანამდებობრივი სარგო

აჭარის ახალი მოწვევის უმაღლესი საბჭო მუშაობას 2016 წლის 28 ნოემბერს შეუდგა. „ბათუმელებმა“ უმაღლესი საბჭოდან  გასული წლის დეკემბრის თვეში გაცემული ხელფასებისა და პრემიების შესახებ მონაცემები გამოითხოვა. საბჭოდან მიღებული ინფორმაციით, გასულ თვეში ხელფასის, დანამატისა და პრემიის სახით ჯამში გაიცა 340 ათასამდე ლარი.

დეპუტატების დეკემბრის თვის ხელფასები

უმაღლეს საბჭოში 21 წევრია, რომლებზეც დეკემბრის თვეში თანამდებობრივი სარგოს სახით გაიცა სულ 50 425 ლარი, ხოლო კომპენსაციის სახით 50 743 ლარი. შესაბამისად, უმაღლესი საბჭოს თავმჯდომარე დავით გაბაიძემ დეკემბრის თვეში ჯამში აიღო 6 325 ლარი, მოადგილე მერაბ კარანაძემ 5 390 ლარი, კომისიების და ფრაქციების თავმჯდომარეებმა – 5170 ლარი და ა.შ.

საბჭოს წევრებზე, საბჭოდან მიღებული ინფორმაციით, პრემიები არ გაცემულა. რაც შეეხება კომპენსაციას – საბჭოს წევრები მას სადეპუტატო უფლებამოსილების განხორციელებისთვის იღებენ.

აჭარის უმაღლესი საბჭოს წევრების შრომის ანაზღაურება 2016 წლის დეკემბრის თვე:

dekemberi deputatebi

აპარატის თანამშრომელთა დეკემბრის თვის ხელფასები

აჭარის უმაღლესი საბჭოდან მიღებული მონაცემებით, საბჭოს აპარატში [დეპუტატების, ანუ წევრების გარდა] გათვალისწინებულია 104 საშტატო ერთეული. 2016 წლის დეკემბრის თვეში კი 96 თანამშრომელზე თანამდებობრივი სარგოსა და დანამატის სახით გაცემული იქნა:

  • თანამდებობრივი სარგო –  100 268 ლარის ოდენობით,
  • დანამატი –  67 225 ლარის ოდენობით.

დეკემბრის თვის პრემია 

რაც შეეხება პრემიას, უმაღლესი საბჭოდან მოგვწერეს, რომ „2016 წელს პრემია გაიცა მხოლოდ ერთხელ, საახალწლო დღესასწაულთან დაკავშირებით და სულ გაცემულმა საპრემიო თანხამ [წარმოქმნილი ეკონომიის ხარჯზე] შეადგინა 70 702 ლარი“.

ხელფასი და პრემია 2017 წელს

2017 წელს უმაღლეს საბჭოში 125 ადამიანზე [წევრების ჩათვლით] ხელფასებში სულ დაიხარჯება 3 მილიონ 464 ათასი ლარი. აქედან:

  • თანამდებობრივი სარგო – 1 943 520 ლარი;
  • პრემია – 24 600 ლარი;
  • დანამატი – 930 080 ლარი;
  • კომპენსაცია [სადეპუტატო უფლებამოსილების განხორციელება] – 565 800 ლარი.

გარდა ამისა, წელს, უმაღლესი საბჭოს ბიუჯეტიდან შტატგარეშე მომუშავეთა ანაზღაურებისთვის მთელი წლის განმავლობაში ჯამში 735 200 ლარია გათვალისწინებული, რომელიც ასე გადანაწილდება:

  • ფრაქციების აპარატები – 545 600 ლარი;
  • მაჟორიტარი დეპუტატების წარმომადგენლები – 97 200 ლარი;
  • სხვა შტატგარეშე მოსამსახურეები – 92 400 ლარი.

გადაბეჭდვის წესი


ასევე: