18-19 დეკემბერს, კულტურული მემკვიდრეობის დაცვის სააგენტოს ორგანიზებით, გონიო-აფსაროსის მუზეუმ-ნაკრძალში მშვილდოსნობის ტურნირი ჩატარდა. შეჯიბრი აჭარის განათლების, კულტურისა და სპორტის სამინისტროს მხარდაჭერითა და მშვილდოსნობის ფედერაციის ჩართულობით გაიმართა.
გამარჯვებულები დაჯილდოვდნენ „გონიოს თასით“
„გონიოს თასი 2018“-ის მოსაპოვებლად შეჯიბრი მოეწყო როგორც ვაჟთა, ასევე, ქალთა კატეგორიაში.
გამარჯვებულები დაჯილდოვდნენ „გონიოს თასით“, სიგელებითა და მედლებით. გონიოს ციხეში გამართულ მშვილდოსნობის ტურნირს აჭარის სპორტისა და ახალგაზრდობის საქმეთა დეპარტამენტის წარმომადგენლები ესწრებოდნენ.
ტურნირის ჩატარების მიზანი მუზეუმის პოპულარიზაცია და აღნიშნული სპორტის სახეობის განვითარების ხელშეწყობაა.
