გოგონათა საერთაშორისო დღე და ესეების კონკურსი ქედის მუნიციპალიტეტში

,,ახალგაზრდა გოგონათა საერთაშორისო დღესთან“ დაკავშირებით, ქედის მუნიციპალიტეტი გოგონებისთვის ესეების კონკურსს აცხადებს სახელწოდებით ,,ჩემი სივრცე და საზოგადოება“. ესეების წარდგენა 9 ოქტომბრამდე გაგრძელდება.

ესეების კონკურსში მონაწილეობის მიღება შეუძლიათ  ქედის მუნიციპალიტეტის საბაზო-საშუალო სკოლის (VIII-XII კლასები) მოსწავლეებს.
კონკურსანტმა თემა უნდა წარმოადგინოს ელექტრონულად.  ესეს ბოლოს მითითებული უნდა იყოს ავტორის სახელი, გვარი, კლასი, სკოლის დასახელება და საკონტაქტო ინფორმაცია.  ნამუშვრებიდან გამარჯვებულ ესეებს გენდერული საბჭო გამოავლენს.

წარდგენის პირობებსა და აპლიკაციის ფორმას შეგიძლიათ გაეცნოთ ბმულზე.

დაჯილდოების ცერემონია გაიმართება 11 ოქტომბერს, 15 საათზე, ადმინისტრაციული შენობის სააქტო დარბაზში.
ნომინაციებში: ,,საუკეთესო ესე”,  ,,კრეატიული ნაშრომი” და  ,,საუკეთესო მხატვრული გადმოცემა” გამარჯვებულ მოსწავლეებს ფასიანი საჩუქრები და დიპლომები გადაეცემათ.

კონკურსი ქედის მუნიციპალიტეტის მერიის ადმინისტრაციული სამსახურის გენდერული თანასწორობის ხელშეწყობის მიზნობრივი პროგრამის ფარგლებში ტარდება და მისი მიზანია მოზარდები დააფიქროს გოგონათა უფლებების აღიარებასა და დაცვაზე, განათლების ხელშეწყობაზე, მათი შესაძლებლობების გაზრდაზე, სხვადასხვა ტიპის ჩაგვრასა და დისკრიმინაციაზე.

ნეტგაზეთის მასალების სხვა გამოცემებში გადაბეჭდვის წესი


ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან