გუშინ, პირველ ივნისს, ქობულეთში 14 წლის მოზარდი გაუჩინარდა. „14-ისაა ბავშვი ეზოში ჩავიდა დღის 2 საათზე და აღარ ჩანს. ტელ.გამორთულიაა“, – წერს სოციალურ ქსელში მოზარდის ნაცნობი.
იგივე წყაროს თქმით, მოზარდს თან ჰქონდა ტელეფონი, რომელიც გამორთულია.
არასრულწლოვანის დაკარგვის შესახებ ინფორმაცია „ბათუმელებს“ შს სამინისტროში დაუდასტურეს. უწყების ინფორმაციით, გამოძიება სსკ-ის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.
შსს ინფორმაციით, ამ დროისთვის დაკარგული მოზარდის სამძებრო სამუშაოები მიმდინარეობს.