უმაღლესი საბჭო ხელფასებისთვის საჭირო თანხას 105 900 ლარით ზრდის

აჭარის უმაღლესმა საბჭომ, მიმდინარე წლის 17 მაისის დადგენილებით, მომავალი წლის საკუთარი ბიუჯეტის პროექტი დაამტკიცა. პროექტის მიხედვით, უმაღლესი საბჭოს ბიუჯეტი 2019 წელს, მიმდინარე წელთან შედარებით, 200 000 ლარითაა გაზრდილი.

უმაღლესი საბჭოს 2019 წლის ბიუჯეტის პროექტის მიხედვით, უცვლელი რჩება საბჭოში დასაქმებულთა რაოდენობა [117 საშტატო ერთეული], თუმცა 105 900 ლარით იზრდება შრომის ანაზღაურებისთვის საჭირო თანხა.

შესაბამისად, საბჭოს წევრებისა და იქ დასაქმებულთა ხელფასებისთვის პროექტში 3 433 200 ლარია გათვალისწინებული.

ამ პროექტით განსაზღვრული თანხა აჭარის 2019 წლის რესპუბლიკური ბიუჯეტის შესახებ კანონის პროექტში უნდა აისახოს.

ამავე თემაზე:

უმაღლეს საბჭოში სამ თვეში ხელფასებსა და საწვავში 845 ათასი ლარი დაიხარჯა

ნეტგაზეთის მასალების სხვა გამოცემებში გადაბეჭდვის წესი


ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com