დღეს ბათუმში, მემედ აბაშიძისა და ვაჟა-ფშაველას ქუჩებზე, მოძრაობა შეიზღუდება

დღეს, 17 მაისს, 19:00-დან 23:00 სთ-მდე სატრანსპორტო მოძრაობა შეიზღუდება ბათუმში,  მემედ აბაშიძის გამზირზე. ამის მიზეზი საქართველოს დამოუკიდებელი რესპუბლიკის დაარსებიდან 100 წლისთავისადმი მიძღვნილი კვირეულის ფარგლებში დაგეგმილი ღონისძიებებია.

ბათუმის მერიის ინფორმაციით, მემედ აბაშიძისა და ვაჟა-ფშაველას ქუჩების კვეთაში მოეწყობა ფლეშმობი და სხვა ღონისძიებები. შესაბამისად, ავტოსატრანსპორტო საშუალებებისთვის მემედ აბაშიძის გამზირი გადაიკეტება 26 მაისის ქუჩის კვეთასთან, ხოლო ვაჟა-ფშაველას ქუჩა – კლდიაშვილის ქუჩის კვეთასთან.

 

ნეტგაზეთის მასალების სხვა გამოცემებში გადაბეჭდვის წესი


ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან