17-19 მაისს აჭარას გაზი შეზღუდვით მიეწოდება

17 მაისს, დილის 4 საათიდან, აჭარას ბუნებრივი აირის მიწოდება შეეზღუდება. შესაბამისად, გაზის მიწოდება შეუწყდება ყველა მსხვილ მომხმარებელს და შესაძლოა, მოსახლეობასაც.

„გაზს მოგვაწვდიან შეზღუდვით, რაც ნიშნავს, რომ ვერ მივიღებთ იმ მოცულობის გაზს, რაც მოსახლეობისთვის გვჭირდება. ამიტომ  17 მაისის დილის 4 საათიდან ყველა მსხვილ მომხმარებელს შევუწყვეტთ გაზით მომარაგებას, რომ შევინარჩუნოთ მოსახლეობის გაზმომარაგება.

სამუშაოები, როგორც მეუბნებიან, 17 მაისის დღის 2 საათამდე გაგრძელდება, შემდეგ კი ჩვეულებრივ რეჟიმში მოგვაწვდიან გაზს.

მობილიზებული ვართ, რომ მოსახლეობისთვის შევინარჩუნოთ გაზის მიწოდება, იმიტომ, რომ შემდეგ ჩართვის პროცესი არის რთული. მაგრამ თუ გაზი არ ეყო მოსახლეობას, მაშინ შეუწყდებათ მიწოდება და 17 მაისის 2 საათიდან დავიწყებთ აღდგენის პროცესს, რომელიც 19 მაისის დღის ბოლოს დასრულდება. ეს ყველაზე ცუდ ვარიანტში. კონკრეტული დეტალები ხვალ, 17 მაისს დილით გვეცოდინება,“ – განაცხადა „ბათუმელებთან“ „სოკარ ჯორჯია გაზის“ აჭარის რეგიონალური ოფისის ხელმძღვანელმა, დავით ლეკიშვილმა.

 

ნეტგაზეთის მასალების სხვა გამოცემებში გადაბეჭდვის წესი


ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com