ტურისტებისთვის მაღალმთიან აჭარაში ქედა ყველაზე მიმზიდველია

აჭარის ტურიზმისა და კურორტების დეპარტამენტის ცნობით, 2017 წლის მონაცემებით, მაღალმთიან აჭარაში ვიზიტორების რაოდენობა გაიზარდა. დეპარტამენტის ინფორმაციით, გასულ წელს მთიანი აჭარის ტურისტულ მარშრუტებზე არსებულ საოჯახო-სასტუმრო სახლებს, ტურისტულ ობიექტებსა და მუზეუმებს 46 592 ვიზიტორი ეწვია, რაც 98%-ით აღემატება 2016 წლის მონაცემებს.

გასულ წელს ვიზიტორებისთვის  მიმზიდველი იყო მაჭახელას, ქედისა და ხულოს ტურისტული მარშრუტები.

აქედან ყველაზე მეტი, 20 298 ვიზიტორი, ქედაში არსებულ ღვინის მარნებსა და ტურისტულ ადგილებს ესტუმრა,  18 626 ვიზიტორი – ხულოს, ხოლო 7 668 – მაჭახელას.

ამავე თემაზე: ტურისტები მახუნცეთის ჩანჩქერთან [ფოტორეპორტაჟი]

დეპარტამენტის ცნობით, ვიზიტორების რაოდენობა 32%-ითაა გაზრდილი მაღალმთიან აჭარაში მარშრუტებზე არსებულ მუზეუმებში. წლის განმავლობაში მაჭახელას, ხულოსა და ქედის მუზეუმებს 15 286 ადამიანი ეწვია.

ამავე თემაზე: ქედაში ახალი მუზეუმი აშენდება

აჭარის ტურიზმის დეპარტამენტის ტურისტული პროდუქტების განვითარების სააგენტოს ვიზიტორების სტატისტიკა ტურისტულ მარშრუტებზე არსებული საოჯახო-სასტუმრო სახლების, მარნების, კვების ობიექტების, მუზეუმებისა და ფოლკლორული ანსამბლების მიერ მიწოდებულ მონაცემებს ეყრდნობა.

ნეტგაზეთის მასალების სხვა გამოცემებში გადაბეჭდვის წესი


ავტორი
ნანა კვაჭაძე, ჟურნალისტი ტელ: [0422] 27 45 12 ელფოსტა: kvachadze.n@gmail.com