ქართველმა მოჭიდავემ, მირანდა კაპანაძემ სერბეთში, ნოვი სადში მიმდინარე ევროპის 17-წლამდელთა ჩემპიონატზე ოქროს მედალი მოიპოვა და გახდა ევროპის კონტინენტის პირველი ქართველი ჩემპიონი ქალი.
ინფორმაციას ამის შესახებ ჭიდაობის ფედერაცია ავრცელებს.
„მირანდამ ოთხი შეხვედრა ჩაატარა, ოთხივე მოიგო და კონტინენტის ჩემპიონის ტიტული მოიპოვა!
აქამდე, საქართველოს ქალთა ეროვნულ და არც ერთ ასაკობრივ ნაკრებს, ქალთა ჭიდაობაში, ამ რანგის შეჯიბრებაზე ჩემპიონი არ ჰყოლია!
მირანდა კაპანაძემ ევროპის ჩემპიონატის ფინალის გზაზე ჩეხი ლანა პეზიჩი (8:0), ნეიტრალური გუნდის სახელით მოჭიდავე რუსი დოლჟონ ცინგუევა (8:6) და აზერბაიჯანელი ფიდან ბაბაევა (8:0) დაამარცხა, საჩემპიონო ბრძოლაში კი თურქ ოზლემ გურსოის (6:3) სძლია“ – წერს ფედერაცია.
