გოგონების ოქრო და ვაჟების ვერცხლ-ბრინჯაო

აჭარის ნაკრები (მთავარი მწვრთნელი – თემურ დანელია) ძირითადად ხელვაჩაურის სპორტსკოლის სპორტსმენებით იყო დაკომპლექტებული, თუმცა, ერთი მებრძოლი, ასლან ქათამაძე, რომელმაც 70 კგ. წონით კატეგორიაში მესამე ადგილი დაიკავა, კლუბ „სპარტას“ (პრეზიდენტი – პავლე კარაპეტიანი, მწვრთნელი – სანდრო ტუღუში) წევრია. ვაჟთა შორის სულხან კახიძემ (60 კგ) მე-2 ადგილი დაიკავა, მესამეზე გავიდა მირლანდ ფუტკარაძე, რომელიც აბსოლუტურ წონით კატეგორიაში გამოდიოდა. გაცილებით უკეთესი შედეგი აჩვენეს გოგონებმა. ორივე მათგანი ძიუდოშიც ვარჯიშობს (მწვრთნელი – ნათია აბუსერიძე), რაც წაადგათ კიდეც ტურნირზე. ნათია დიასამიძე და გურანდა აბესლამიძე ორივე 57 კგ. წონით კატეგორიაში ასპარეზობდა, თუმცა, გურანდამ 17 წლამდელთა შორის, ნათიამ კი დიდებში იჩხუბა. საბოლოოდ, აჭარის ნაკრების გოგონებმა ყველა ორთაბრძოლა მოიგეს და ბათუმს ჩემპიონის რანგში დაუბრუნდნენ.