დღეს, 10 თებერვალს, საღამოს, ბათუმში, თაყაიშვილის ქუჩაზე პოლიციაა მობილიზებული.
პირველადი ინფორმაციით, კორპუსის ეზოში დაპირისპირება მოხდა.
შს სამინისტროს ცნობით, გამოძიება დაიწყო სისხლის სამართლის 126-ე მუხლით – ძალადობა. დაკავებულის შესახებ ამ დროისთვის ინფორმაცია არ ვრცელდება.
ადგილზე იმყოფებოდა გამოცემა „აჭარა თაიმსი“, რომელიც პირდაპირ ეთერში აშუქებდა პოლიციის მობილიზებას. გამოცემის წყაროების ცნობით, თაყაიშვილის ქუჩაზე იარაღიდან გაისროლეს, რის შედეგადაც დაიჭრა ადამიანი, თუმცა „ბათუმელებს“ ეს ინფორმაცია შს სამინისტროში არ დაუდასტურეს.
„ბათუმელები“ ინფორმაციას აზუსტებს.
_________________
ფოტოზე: კადრი „აჭარა თაიმსის“ პირდაპირი ჩართვიდან
