ესტონეთმა უკრაინის წინააღმდეგ ომში რუსეთის მხარეს მებრძოლ 261 პირს ქვეყანაში შესვლა აუკრძალა.
ამის შესახებ ესტონეთის საგარეო საქმეთა მინისტრი, მარგუს ცახნა წერს X-ზე დღეს, 12 იანვარს.
„ეს მხოლოდ დასაწყისია“ – აღნიშნავს მარგუს ცახნა.
„აგრესორი სახელმწიფოს ასობით ათასი მებრძოლი მონაწილეობდა ამ სასტიკ ომში, ჩაიდინეს სისასტიკე და გაავრცელეს ძალადობა. მათ ადგილი არ აქვთ ესტონეთსა და შენგენის ზონაში.
ჩვენ გავაგრძელებთ მუშაობას იმის უზრუნველსაყოფად, რომ რუსი ყოფილი მებრძოლებისთვის კარი დახურული დარჩეს და სხვა ქვეყნებსაც მოვუწოდებთ იგივე გააკეთონ“ – წერს ესტონეთის საგარეო საქმეთა მინისტრი.
