პრესის საერთაშორისო ინსტიტუტი „ბათუმელების“ დაარსების თარიღს, 26 მაისს ეხმიანება და „ბათუმელების“ თანადამფუძნებლისა და მედიამენეჯერის, მზია ამაღლობელის დაუყოვნებლივ გათავისუფლებას მოითხოვს.
„24 წლის განმავლობაში, „ბათუმელები“ აშუქებს ადამიანის უფლებების დარღვევებსა და კორუფციას და მკითხველს სთავაზობს მიუკერძოებელ და მაღალხარისხიან ჟურნალისტიკას.
გაზეთმა გაუძლო ოთხ პოლიტიკურ რეჟიმს, მიუხედავად იმისა, რომ მისი ჟურნალისტები და რედაქტორები არაერთხელ გამხდარან თავდასხმის, მუქარის, შანტაჟისა და დაკავების სამიზნე.
მაშინ, როცა „ბათუმელები“ თავის 24-ე წლისთავს აღნიშნავს, მისი დამფუძნებელი და დირექტორი, მზია ამაღლობელი, პატიმრობაში რჩება. მას 4-დან 7 წლამდე თავისუფლების აღკვეთა ემუქრება პოლიციელზე თავდასხმის ბრალდებით.
უკვე 135 დღეა, რაც მზია ამაღლობელი უკანონოდ იმყოფება წინასწარ პატიმრობაში. ის საქართველოში და მის საზღვრებს გარეთ, მედიის თავისუფლებისთვის ბრძოლის სიმბოლოდ იქცა.
დღეს ჩვენ სრულ სოლიდარობას ვუცხადებთ გაზეთ ბათუმელების ყველა ჟურნალისტს და კიდევ ერთხელ მოვითხოვთ მზია ამაღლობელის დაუყოვნებლივ გათავისუფლებას.
ამასთან, სრულ მხარდაჭერას ვუცხადებთ ყველა იმ ჟურნალისტს საქართველოში, ვინც მიუხედავად უდიდესი ზეწოლისა, უარს ამბობს დუმილზე“ – ნათქვამია განცხადებაში.
____________
ფოტოზე: 16 მაისი, მზია ამაღლობელის სასამართლო პროცესი ბათუმის საქალაქო სასამართლოში
