„სოკარ ჯორჯია გაზის“ ცნობით, ბათუმში 23 აპრილს, 23:40 საათიდან ავარიული დაზიანების გამო ბუნებრივი გაზის მიწოდება შეუწყდა ქალაქის ცენტრალურ ქუჩებზე მცხოვრებ 4 241 აბონენტს.
გაზის მიწოდება შეწყდა ბარათაშვილის, ვაჟა-ფშაველას, ზუბალაშვილის, ლუკა ასათიანის, გორგილაძის, მემედ აბაშიძის, კლდიაშვილის, ჯინჭარაძე-ახვლედიანის, რუსთაველის, ნინოშვილის, 26 მაისის, მელიქიშვილის, მარჯანიშვილის, გორგასლის, ფარნავაზ მეფისა და დუმბაძის ქუჩებზე, აბონენტების ნაწილთან.
„ამ ეტაპზე საავარიო ჯგუფი ადგილზე მუშაობს, ბუნებრივი გაზის მიწოდება ეტაპობრივად აღდგება 24 აპრილის 18:00 საათიდან და დასრულდება დღის ბოლომდე“ – აცხადებს „სოკარი“.
კომპანია აბონენტებს მოუწოდებს, დაკეტილ მდგომარეობაში იქონიონ ბინებში არსებული გაზის ონკანები და უყურადღებოდ არ დატოვონ გაზის დანადგარები.
