დღეს, 11 თებერვალს, ბათუმის საქალაქო სასამართლოში „ანრი კაკაბაძის საქმის“ არსებითი განხილვა იწყება.
ანრი კაკაბაძის გათავისუფლების მოთხოვნით ამ დრომდე პროტესტის ნიშნად სტუდენტების ნაწილი ღამეს ბათუმის ხელოვნების უნივერსიტეტის ფოიეში ათევს.
სტუდენტი, პიანისტი ანრი კაკაბაძე არაერთი მუსიკალური კონკურსის გამარჯვებულია.
საუბარია ბათუმის ხელოვნების უნივერსიტეტში 2024 წლის 3 დეკემბერს მომხდარ შემთხვევაზე – მას შემდეგ, რაც პროევროპულო კურსის დასაცავად სტუდენტებმა ევროპული კურსის ცვლილების გამო გაფიცვა დაიწყეს, ამ უნივერსიტეტში 4 სტუდენტი და ფაკულტეტის დეკანი – მამუკა ჯორბენაძე სისხლის სამართლის წესით, ჯგუფური ძალადობის ბრალდებით დააკავეს.
ბათუმის ხელოვნების უნივერსიტეტის 3 სტუდენტს და ფაკულტეტის დეკანს მამუკა ჯორბენაძეს პატიმრობა გირაოთი 2025 წლის 28 იანვარს შეუფარდეს. აღკვეთი ღონისძიების შეცვლა სასამართლო სხდომაზე თავად პროკურორმა მოითხოვა.
ანრი კაკაბაძე მოსამართლე ლევან ყოლბაიამ პატიმრობაში იმ მოტივით დატოვა, რომ ის ამავე კატეგორიის დანაშაულისთვის გირაოთი აქამდე იყო გათავისუფლებული.
ანრი კაკაბაძის და სხვა პოლიტიკური პატიმრების გათავისუფლების მოთხოვნით ყოველდღე იმართება საპროტესტო აქციები.
დღესვე დაიწყება გირაოთი გათავისუფლებული სტუდენტებისა და ფაკულტეტის დეკანის საქმის არსებითი განხილვა.
ამ თემაზე:
ბათუმში 3 სტუდენტსა და დეკანს პატიმრობა გირაოთი შეუცვალეს, 1 სტუდენტი პატიმრობაში რჩება
