ბათუმში ამერიკულ სკოლა „პროგრესში“ სასწავლო პროცესი ჩაიშალა. უფროსკლასელების ნაწილი გაიფიცა და პროტესტის ნიშნად საერთოდ არ მივიდა სკოლაში, ნაწილმა კი სკოლის ეზოში მოაწყო საპროტესტო აქცია.
დღეს, 12:00 საათზე, ევროპის მოედანზე დაგეგმილია ბათუმის სხვადასხვა სკოლის მოსწავლეების საპროტესტო აქცია. სკოლის მოსწავლეები აპროტესტებენ „ქართული ოცნების“ გადაწყვეტილებას, შეაჩეროს ევროკავშირთან მოლაპარაკებების გახსნა.
28 ნოემბერს „ქართული ოცნების“ პრემიერ-მინისტრმა ირაკლი კობახიძემ განაცხადა შემდეგი – „მივიღეთ გადაწყვეტილება, 2028 წლის ბოლომდე დღის წესრიგში არ დავაყენოთ ევროკავშირთან მოლაპარაკებების გახსნის საკითხი“.
კობახიძის ამ განცხადებას მთელი ქვეყნის მასშტაბით უწყვეტი საპროტესტო აქციები მოჰყვა საქართველოს ქალაქებში.
2 დეკემბრიდან გაფიცვა დაიწყეს სკოლებმა და უნივერსიტეტებმა.
ამავე თემაზე:
ბათუმში მოსწავლეები აქციას აანონსებენ – 3 დეკემბერი, 12 საათი, ევროპის მოედანი
