ბათუმში ხვალ, 26 ნოემბერს, ახალი მოწვევის აჭარის უმაღლესი საბჭო პირველ სხდომას გამართავს. სამოქალაქო ჯგუფები ბათუმში აქციას აანონსებენ.
„უმაღლესი საარჩევნო კომისიის „შემაჯამებელი ოქმის საფუძველზე“, აჭარის უმაღლესი საბჭო შეიკრიბება.
მოგიწოდებთ, 11 საათიდან შევიკრიბოთ რეგიონის საკანონმდებლო ორგანოსთან და ჩვენი ხმა ხელისუფლების წარმომადგენლებს, რომლებიც არალეგიტიმური არჩევნების შედეგების საფუძველზე, დაიკავებენ ადგილებს საბჭოში, რომელიც არა “ქართული ოცნების”, არამედ აჭარის მოსახლეობის ინტერესებს უნდა ემსახურებოდეს!
შეგუების დრო არ არის!
გელით ხვალ, 11 საათიდან უმაღლესი საბჭოს შენობასთან! საქართველოსთვის, დემოკრატიისთვის, ევროინტეგრაციისთვის ბრძოლა გრძელდება!“ – წერია ქარდში, რომელიც ფეისბუქზე გავრცელდა.
დღეს, 25 ნოემბერს, „ქართულმა ოცნებამ“ პარლამენტის 150 წევრის უფლებამოსილება ცნო. კონსტიტუციონალისტების განმარტებით, ეს პროცედურაც და გადაწყვეტილებაც არაკონსტიტუციურია. შესაბამისად, არაკონსტიტუციურია პარლამენტიც.
