შინაგან საქმეთა სამინისტროს სარეზერვო ფონდიდან თანხა შემდეგი ხარჯებისთვის გადასცეს: ტრანსპორტისა და ტექნიკის ექსპლუატაციისა და მოვლა-შენახვისთვის – 1,2 მილიონი ლარი, სამშენებლო-სარემონტო სამუშაოებისთვის – 1 461 154, ოფისის ხარჯებისთვის – 942 216 , შტატგარეშე მომუშავეთა შრომის ანაზღაურებისთვის – 750 000 , შსს-ს საზღვარგარეთის ქვეყნებში დიპლომატიური წარმომადგენლობებისთვის 160 000 , ხოლო უნიფორმის შესაძენად _ 486 630 ლარი.
რაც შეეხება პროკურატურას, ამ უწყებას 1 მილიონი ლარი გადაეცა შტატგარეშე მოსამსახურეთა შრომის ანაზღაურებისთვის [100 ათასი ლარი], კომუნალური ხარჯებისთვის [50 ათასი ლარი], თანამშრომელთა მივლინებებისთვის [60 ათასი ლარი], ტრანსპორტის მოვლა-შენახვისთვის [40 ათასი ლარი], საფოსტო და საკურიერო მომსახურებისთვის [100 ათასი ლარი], წარმომადგენლობითი ღონისძიებებისთვის [150 ათასი ლარი], სათარჯიმნო მომსახურებისთვის [30 ათასი ლარი], საოფისე ავეჯისა და ინვენტარის შეძენისთვის [80 ათასი ლარი], თანამშრომელთა გადამზადებისა და კვალიფიკაციის ამაღლებისთვის [40 ათასი ლარი], მთავარი პროკურატურის ადმინისტრაციული შენობის უწყვეტი ელექტრომომარაგების მიზნით ელექტროგენერატორის შესაძენად [170 ათასი ლარი] და უწყვეტი კვების წყაროს შეძენა-მონტაჟისთვის [180 ათასი ლარი].
საქართველოს 2014 წლის სახელმწიფო ბიუჯეტში ცალკე შინაგან საქმეთა სამინისტროსთვის გათვალისწინებული იყო 600 მილიონი ლარი, ხოლო უშუალოდ საქართველოს პროკურატურისთვის – 32 მილიონ 500 ათასი ლარი.
მიმდინარე, 2015 წლის ბიუჯეტში შინაგან საქმეთა სამინისტროსთვის გათვალისწინებულია 638 მილიონ 700 ათასი ლარი, ხოლო საქართველოს პროკურატურისთვის – 35 მილიონი ლარი.
