ხულოში, სოფელ მეკეიძეებთან მდებარე შავნაბადას მთაზე გაჩენილი ცეცხლის კერამდე მეხანძრეებს ფეხით მისვლა მოუწევთ, რადგან ხანძარი ტყეშია.
როგორც „ბათუმელებს“ უთხრეს, ხანძრის ჩასაქრობად ადგილზე ბათუმის, ხულოს, შუახევისა და ქედის სახანძრო-სამაშველო ჯგუფი და სამი ერთეული სამაშველო ავტომობილი მიემართება, თუმცა ხანძრის კერამდე მეხანძრეები ჯერ არ მისულან. ადგილზე 35-მდე მახანძრემ უნდა იმუშაოს.
ბათუმის სახანძრო-სამაშველო სამსახურის უფროსის, ხუსეინ სირაბიძის ინფორმაციით, ხანძრის კერამდე მისასვლელად მეხანძრეებმა ხუთი კილომეტრი გზა ფეხით უნდა გაიარონ. „ფეხით უნდა გავიდეთ და ხელით უნდა მოხდეს ხანძრის ჩაქრობა, ღამით მოგვიწევს მუშაობა“ – ამბობს ის.
ხანძრის მასშტაბი ჯერჯერობით უცნობია.
შავნაბადას მთაზე ადგილობრივებმა დღეს ცეცხლის სამი კერა შენიშნეს. შავნაბადაზე ცეცხლი ოთხი დღის წინაც გაჩნდა და მოსახლეობამ სახანძრო სამსახური გამოიძახა. ხულოს გამგებლის თქმით, მაშინ შავნაბადაზე ასულმა მეხანძრეებმა ცეცხლის ლოკალიზება შეძლეს.
___________________________
ამავე თემაზე:
ხულოში ხანძრის მასშტაბი ჯერ უცნობია
