Batumelebi | „ავრასია ჯორჯიამ“ მარტოხელა მრავალშვილიან ოჯახს ბინა აჩუქა „ავრასია ჯორჯიამ“ მარტოხელა მრავალშვილიან ოჯახს ბინა აჩუქა – Batumelebi
RU | GE  

„ავრასია ჯორჯიამ“ მარტოხელა მრავალშვილიან ოჯახს ბინა აჩუქა

 

სამშვილიანი მარტოხელა დედის – მაგული სურმანიძე-ქამადაძის ერთ-ერთმა შვილმა, მეოთხე კლასელმა ანამ, თოვლის ბაბუას „ფეისბუქში“ წერილი მიწერა. ბავშვი წერდა, რომ ძალიან უნდოდა ბინა. ანა ოჯახის სხვა წევრებთან ერთად ნაქირავებ ბარაკში ცხოვრობდა. 

 

პატარა ანას წერილი ცოტა ხნის წინ  ფეისბუქში წაიკითხეს ქართულ-თურქული კომპანია „ავრასია ჯორჯიაში“. კომპანიაში ამბობენ, რომ ამ ოჯახის შესახებ მანამდეც ჰქონდათ ინფორმაცია, ხოლო წერილმა მოვლენები დააჩქარა.

 

„ერთ-ერთ ვახშამზე, სადაც ქველმოქმედებაზე ვსაუბრობდით, ვიღაც ნაცნობი მოყვა, რომ მე-8 საჯარო სკოლის მოსწავლეები ფონდ „გზა სიკეთისას“ მხარდაჭერით აგროვებდნენ ფულს იმისთვის, რომ ქამადაძეების ოჯახისთვის ქირის თანხა გადაეხადათ. მაშინ ვთქვით, რომ მათ დავხმარებოდით. როცა დავინტერესდით ამ ოჯახით, ფეისბუქში აღმოვაჩინეთ ქალბატონი მაგულის ერთ-ერთი შვილის, მეოთხე კლასელი ანას წერილი თოვლის ბაბუასადმი. ანა თოვლის ბაბუას ბინას სთხოვდა. ამ წერილმა დააჩქარა მოვლენები. ჩვენ დღეს სწორედ ანას ოჯახს ვჩუქნით ბინას“, – ამბობს კომპანია „ავრასია ჯორჯიას“ დირექტორი რაულ კახაძე.

 

კომპანიამ ქამადაძეების ოჯახს 58 კვადრატული მეტრი ბინა ბათუმში, აღმაშენებლის ქუჩაზე გადასცა. ბინაში გარემონტებულია და ახალი ავეჯიცდგას.

ნეტგაზეთის მასალების სხვა გამოცემებში გადაბეჭდვის წესი
" ბათუმელები"