Batumelebi | აჭარაში 73 000 ტონა ციტრუსის მოსავალს ელოდებიან აჭარაში 73 000 ტონა ციტრუსის მოსავალს ელოდებიან – Batumelebi
RU | GE  

აჭარაში 73 000 ტონა ციტრუსის მოსავალს ელოდებიან

 

 

აჭარის მთავრობის თავმჯდომარემ არჩილ ხაბაძემ და სოფლის მეურნეობის მინისტრმა ზაურ ფუტკარაძემ არასტანდარტული მანდარინის მიმღები საკონსერვო ქარხნები დაათვალიერეს. 

 

ქობულეთის მუნიციპალიტეტის სოფელ ახალსოფელში  შპს „TCF GEORGIA“-ს არასტანდარტული მანდარინის მიმღები საკონსერვო ქარხანა 2014  წელს ამოქმედდა და სეზონისათვის 13 000 ტონამდე არასტანდარტულ ნაყოფს მიიღებს. მეორე საწარმო, რომელიც არასტანდარტულ ციტრუსს ჩაიბარებს და გადაამუშავებს არის შპს „აქტივების მართვის ქართული ინდუსტრიული ჯგუფი“-ს საკონსერვო ქარხანას, რომელიც მიიღებს 15 000 ტონა არასტანდარტულ ნაყოფს.

 

  დღეის მდგომარეობით  შპს  TCF  GEORGIA-ს  მიღებული და გადამუშავებული აქვს 200 ტონა ციტრუსის არასტანდარტული ნაყოფი. ხოლო  „აქტივების მართვის ქართული ინდუსტრიული ჯგუფს“  კი 3434 ტონა. მეციტრუსე  ფერმერებს ყოველ 1კგ ჩაბარებულ არასტანდარტულ ციტრუსზე  0.10 თეთრს  სახელმწიფო უხდის, ხოლო 0.10 თეთრს საკონსერვო.

 

წელს ციტრუსის მოსალოდნელი მოსავალი 73 000 ტონას შეადგენს. მათ შორის მანდარინი-67 145 ტონა, ფორთოხალი-4678 ტონა და ლიმონი-1177 ტონა.

 

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"