ნეტგაზეთი • RU

შსს: ბათუმში ნაპოვნი ორი გარდაცვლილი ახალგაზრდის ვინაობა იდენტიფიცირებულია

შს სამინისტროში აცხადებენ, რომ დღეს ბათუმში ნაპოვნი ორი გარდაცვლილი ახალგაზრდის ვინაობა იდენტიფიცირებულია. თუმცა სამინისტროში არ აზუსტებენ, რომელი რეგიონის მცხოვრებლები იყვნენ გარდაცვლილები.

სოციალურ ქსელში ვრცელდება ინფორმაცია, რომ თითქოს ერთ-ერთ გარდაცვლილს ყელი აქვს გამოჭრილი.  „ბათუმელებს“ შს სამინისტროს პრესსამსახურში უთხრეს, რომ პირველადი დათვალიერების მიხედვით, გარდაცვლილებს ძალადობის კვალი არ აღენიშნებათ. ინფორმაციას არც სასწრაფო დახმარების სამსახურში ადასტურებენ. მათი თქმით, გარდაცვლილებზე მსგავსი რამ არ შეუმჩნევიათ.

დაუზუსტებელი ინფორმაციით, ახალგაზრდა მამაკაცები ბათუმში დასასვენებლად იყვნენ ჩამოსულები. ოთხი დღის განმავლობაში კი ახლობლებთან კონტაქტზე არ გასულან.

შსს-ს ცნობით, ცხედრები ბათუმის პროზექტურაშია გადასვენებული. გამოძიება თვითმკვლელობამდე მიყვანის მუხლით მიმდინარეობს.

ბათუმში, ხიმშიაშვილის ქუჩაზე არსებულ ერთ-ერთ საცხოვრებელ სახლში, ორი ახალგაზრდა მამაკაცის ცხედარი დღეს, 8 აგვისტოს, იპოვეს.

მასალების სხვა გამოცემებში გადაბეჭდვის წესი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com
საქართველოში აპირებდნენ კანონის მიღებას „უცხოური გავლენის აგენტების“ შესახებ. მსგავსმა კანონმა პუტინის რუსეთში ფაქტობრივად გააქრო კრიტიკული მედია და სამოქალაქო სექტორი.

ამ კანონის მიზანი იყო საქართველოში მოქმედი იმ მედია ორგანიზაციების “გაშავება”, რომლებიც აკრიტიკებენ ხელისუფლებას.