მთავარი,სიახლეები

13 ახალი ავტომანქანა პირველადი ჯანდაცვის ცენტრებს აჭარაში

05.07.2017 • 2575
13 ახალი ავტომანქანა პირველადი ჯანდაცვის ცენტრებს აჭარაში
დღეს, 5 ივლისს, ქობულეთის, ხელვაჩაურისა და ხულოს პირველადი ჯანდაცვის ცენტრებს მაღალი გამავლობის ავტომანქანები აჭარის ჯანმრთელობის და სოციალური დაცვის მინისტრმა გადასცა.

2017 წლის პროგრამის ფარგლებში სამინისტრომ ჯამში 13 ავტომანქანა შეიძინა. ღონისძიებას ბათუმის ცენტრალის ტერიტორიაზე აჭარის ჯანდაცვის მინისტრი ზაალ მიქელაძე, დეპუტატები, მუნიციპალიტეტების წარმომადგენლები და ექიმები ესწრებოდნენ.

აჭარაში სულ 56 პირველადი ჯანდაცვის ცენტრი ფუნქციონირებს, აქედან 43 ცენტრს მაღალი გამავლობის ავტომანქანა ბოლო სამი წლის განმავლობაში გადაეცა. სამინისტრო „სოფლად პირველადი ჯანდაცვის განვითარების ხელშეწყობის“ პროგრამას 2018 წელსაც განახორციელებს და აღნიშნულით დასრულდება რეგიონის პირველადი ჯანდაცვის ცენტრების ავტოპარკის შევსება.
აჭარის ჯანდაცვის სამინისტრომ 2014 წელს, სოფლის ექიმების ადგილზე დამაგრების მიზნით, აამოქმედა ახალი პროგრამა, რაც მაღალმთიანი მუნიციპალიტეტების სოფლის ექიმებისათვის ხელფასზე დანამატის სახით 300 ლარის, ხოლო ხელვაჩაურისა და ქობულეთის მუნიციპალიტეტების სოფლის ექიმებისათვის 150 ლარის გაცემას ითვალისწინებს. 2018 წლის სამინისტრო მაღალმთიანი მუნიციპალიტეტების პირველადი ჯანდაცვის ცენტრების ექთნებს შრომის ანაზღურებას 150 ლარით, ხოლო ბარში დასაქმებულებს 100 ლარით გაუზრდის.
nivis gadacema

გადაბეჭდვის წესი


ასევე: