დღეს, პირველ ივნისს, ბავშვთა დაცვის საერთაშორისო დღესთან დაკავშირებით, ქედის გამგეობა, დაბაში, გამარჯვების პარკში ბავშვებისთვის 13 საათიდან ანიმაციურ გასართობ შოუს მოაწყობს, ჩვენების დაწყებამდე კი სურვილის შემთხვევაში ბავშვებს სახეს ულტრაგრიმებით მოუხატავენ.
ანიმაციური ჩვენების პარალელურად ბავშვებისთვის მოეწყობა კარაოკე, თოჯინებისა და შემეცნებითი შოუები.
ანიმაციური წარმოდგენის დასრულების შემდეგ, ბავშვებისთვის კონცერტს გამართავს გოგონათა ვოკალურ-ინსტრუმენტალური ანსამბლი „ინდიგო“ და ფოკლორული ანსამბლი „იასამანი“.
ბავშვთა დაცვის საერთაშორისო დღისადმი მიძღვნილი კონცერტი ქედაში 15 საათზე დაიწყება. საბავშვო ღონისძიებები ქედაში დილიდან 16 საათამდე გაგრძელდება.
