Batumelebi | თუ ინგლისურის შესწავლა ან განმტკიცება გსურთ – გაცვლითი პროგრამები ახალგაზრდებისათვის თუ ინგლისურის შესწავლა ან განმტკიცება გსურთ – გაცვლითი პროგრამები ახალგაზრდებისათვის – Batumelebi
RU | GE  

თუ ინგლისურის შესწავლა ან განმტკიცება გსურთ – გაცვლითი პროგრამები ახალგაზრდებისათვის

საერთაშორისო გაცვლითი პროგრამები/Intertnational Exchange Programmes დაინტერესებულ პირებს აძლევს საშუალებას საკუთარი ცოდნა გაიღრმავონ ინგლისურ ენაში, შეიძინონ პროფესიული უნარ-ჩვევები და საინტერესოდ გაატარონ დრო უცხოეთში.

წელს პროგრამა გეგმავს მასწავლებელთა ტრენინგ-პროგრამას მალტასა და ინგლისში – ბიზნეს-ინგლისურში, სწავლების მეთოდიკასა და ზოგად ინგლისურში, ასევე, იგეგმება  სასწავლო პროგრამები და საზაფხულო ბანაკები მალტაზე, სადაც პროგრამის ფარგლებში, სხვა გასართობი პროგრამის გარდა, შედგება საკრუიზო ექსკურსია სიცილიაზე, გოზოსა და გომინოზე.

at2 (1)

საერთაშორისო გაცვლითი პროგრამები/Intertnational Exchange Programmes აქტიურ და მიზანდასახულ ახალგაზრდებს 2014 წლიდან სთავაზობს საზღვარგარეთ ინგლისური ენის შემსწავლელ და ტრენინგ-პროგრამებს მოკლე და გრძელვადიანი პერიოდით.  პროგრამა ბათუმის შოთა რუსთაველის სახელმწიფო უნივერსიტეტის ინგლისური ენის ლექტორის, ფილოლოგიის მეცნიერებათა დოქტორისა და ამავე დროს, ილია ჭავჭავაძის სახელობის პირველი საჯარო სკოლის ინლისური ენის უფროსი მასწავლებლის, ათინა თოიძის ინიციატივით შეიქმნა.

პროგრამების კურსდამთავრებულები  სათანადო უნარ-ჩვევებსა და ცოდნას შეიძენენ საერთშორისო დონეზე წარმატებული კარიერის შექმნისთვის და კონტაქტების დასამყარებლად.

at3

სახალისო და ინოვაციური მეთოდებით სწავლის გარდა, პროგრამა დატვირთულია მრავალფეროვანი შემეცნებითი აქტივობითა და ექსკურსიებით. პროგრამა მონაწილეებს საერთაშორისო და ადგილობრივი კონფერენციებისთვის და კარიერული წინსვლისთვის, ასევე მომავალი პროფესიის განსაზღვრისთვის ამზადებს და უყალიბებს მათ ისეთ კრიტიკულ უნარ-ჩვევებს, როგორიცაა თანამშრომლობისა და ჯგუფში მუშაობის უნარი, საჯარო გამოსვლების, დებატების, მოლაპარაკებების, პრეზენტაციის, კვლევების წარმართვის უნარები და სხვა.

პირველი სასწავლო პროგრამა მოსწავლეთათვის ინგლისში განხორციელდა. პროგრამაში ბათუმის პირველი საჯარო სკოლის 10 მოსწავლე, აგრეთვე, ბათუმის N2, N8 საჯარო სკოლების, სასულიერო გიმნაზიის და კერძო სკოლა „მასტერკლასის“ მოსწავლეები მონაწილეობდნენ. ინლისში მათ აიმაღლეს ინგლისური ენის ცოდნა (წერა, კითხვა, საუბარი და მოსმენა), შეიძინეს ჯგუფებში და წყვილებში მუშაობის გამოცდილება, დამოუკიდებლად კვლევის უნარები, შეისწავლეს და პრაქტიკულად განახორციელეს პრეზენტაციები და დებატები, გაიარეს საერთაშორისო დონის ტესტირება და დაჯილდოვდნენ მაღალი დონის სერტიფიკატებით. გარდა ამისა, მოსწავლეები გაეცნენ ინგლისურ კულტურას, ექსკურსიებით მოინახულეს ბევრი ქალაქი, დაბა და ისტორიულ- კულტურული ძეგლი.

at2 (2)

მომდევნო სასწავლო ტრენინგ-პროგრამა – GCC „EUROGEORGIA – MALTA“ – სთან პარტნიორობით 2016 წელს განხორციელდა ულამაზეს ინგლისურენოვან კუნძულ მალტაზე. პროგრამაში – „General English“ – მონაწილეობდნენ  ბათუმის პირველი საჯარო სკოლის, კერძო სკოლა-ლიცეუმ „ნერგების“  და  „მასტერკლასის“ მოსწავლეები, ხოლო პრგორამაში – „LIBERTY PROGRAMME COURSE“ -მონაწილეობდა სტუდენტების ჯგუფი ბათუმიდან.

2017 წელს წარმატებით განხორციელდა ევროპის დღეებისადმი მიძღვნილი პროექტი „English In The City“ ჩეხეთსა და პრაღაში, რომელიც ქართული სკოლების პოპულარიზაციასა და მოსწავლეების ევროპელ თანატოლებთან გაცნობა-დაახლოვებას, კულტურათა ურთიერთგაცნობას მოიცავდა. პროგრამაში მონაწილეობდნენ ბათუმის პირველი საჯარო სკოლის, აგრეთვე ბათუმის მეორე და მეცხრე  საჯარო სკოლის მოსწავლეები. მოსწავლეებმა გააკეთეს პრეზენტაციები, ერთმანეთს შეადარეს ქართული და ევროპული კულტურა და ტრადიციები, იმუშავეს შერეულ ჯგუფებში და დაჯილდოვდნენ საერთაშორისო სერტიფიკატებით, გარდა ამისა, მათ ჩეხეთში მოინახულეს არაერთი ქალაქი და ღირსშესანიშნაობა.

at5

პროგრამებში მონაწილეობის მისაღებად დაინტერესებულ ნებისმიერ პირს შეუძლია დაკავშირება ფეისბუქ გვერდზე – საერთაშორისო გაცვლითი პროგრამები/ Intertnational Exchange Programmes, სადაც პროგრამაში მონაწილეების შთაბეჭდილებებს და ფოტოებსაც ნახავთ.

დაწვრილებითი ინფორმაციისთვის დარეკეთ ნომერზე:  557 431 053

at4

ნეტგაზეთის მასალების სხვა გამოცემებში გადაბეჭდვის წესი
ავტორი